HOE SAUNG & မြသန်းတင့်စာအုပ်ကောင်းများ Myanmar books Knowledge Books Lifestyle Books carry หนังสือ นับ tpat1

ကျွန်မဒီစာအုပ်ကိုခုမှမြည်းစမ်းခွင့်ရလို့ နောင်တ၁သိန်းရမိပါရဲ့ ၊ ကျွန်မကလေ စာဖတ်ရင် ကိုယ့်သဘောကျတဲ့ဇာတ်ဆောင်နေရာကို ၀င်ခံစားတတ်တဲ့ အသည်းနုသူပါ။ သို့ပေမဲ့ဒီစာအုပ်ကလေးကိုတော့ထူးထူးဆန်းဆန်း စာဖတ်ပရိတ်သတ်တစ်ယောက်အနေနဲ့ ဒါပြီးရင် ဘာဖြစ်မှာလဲဆိုတဲ့ စိတ်၀င်စားမှုနဲ့ စိုးရိမ်စိတ်ကို ချွန်းအုပ်လို့ သည်းထိပ်ရင်ဖို

ဖတ်ခဲ့ရပါတယ်။စာမျက်နှာကုန်ဆုံးဖို့နီးလာလေလေ စာရေးသူရဲ့ကြိုးစားအားထုတ်မှုကို ပိုလို့ပိုလို့ သိရှိသဘောပေါက်လာလေပါရှင်.. ။

လူအကြောင်းပေါင်းကြည့်လျှင် သိနိုင်သတဲ့

ကျွန်မကတော့လေ အဲ့အဆိုကို အနည်းငယ်ကန့်ကွက်ချင်ရဲ့ ပေါင်းကြည့်လျှင် လူတစ်ယောက်အကြောင်းပဲသိရမှာပေါ့ရှင့် စာဖတ်ရင်တော့လူပေါင်းစုံရဲ့စရိုက်လက္ခဏာနဲ့စိတ်ဓာတ်အစုံကို စာရေးသူရဲ့အရေးကောင်းရင်ကောင်းသလောက် နားလည်သဘောပေါက်မှာပါ... ခုတော့ကျွန်မဒီစာအုပ်ကလေးကနေ စာရေးသူရဲ့ပြောင်မြောက်တဲ့ အရေးအသားတွေကြောင့်လူတွေအကြောင်းနားလည်သင့်သလောက်နားလည်ခဲ့ပြီလေ... ။

၀တ္ထုရဲ့အစမှာတော့ ၀ဠု၀တီစံအိမ်တော်ကြီးကို ဟိုတယ်ဆောက်ဖို့ ရောက်ရှိခဲ့တာကစတာပေါ့... ။

ရှေးဘ၀ကတောင်းခဲ့တဲ့ဆုတောင်းမှားကြောင့် အခုဘဝရောက်တော့ အာရုံငါးပါးထဲက တစ်ပါးဖြစ်တဲ့ အတွေ့အာရုံမှာ ထူးချွန်အောင် ကောင်းလွန်းနေတဲ့ ဇာတ်မင်းသမီးလေး ယမင်းသူဇာ၊ ဇာတ်ဆရာကြီးအတွက် တစ်နေ့ကိုရွှေဥတစ်လုံးဥပေးရတဲ့ ရွှေငန်းမလေး ယမင်းသူဇာ၊ အတွေ့အတွေ့ ပါရမီတော်ပြည့်ထိုအတွေ့ကြောင့် ပုရိသအစုံ ရူးရကုန်တဲ့ ပြည့်ရတနာ တစ်နည်းအားဖြင့် ပြည့်တန်ဆာမလေး ယမင်းသူဇာ(ခေါ်) ၀ဠု၀တီမင်းသမီးလေး....

အဲ့ဒီ ဇာတ်သမလေးကို အဆောလတ်မြို့ဘုရားပွဲရဲ့ဇာတ်ပွဲမှာ ၀င်ကြည့်ရင်း ချစ်ကျွမ်း၀င်မိခဲ့တဲ့ သူကြွယ်စာရင်း၀င် သူဌေးလေးနန်းနွယ်၊ ယမင်းရုပ်ကလေးကိုချစ်လွန်းလို့ မထိရက်မကိုင်ရက်ပေမဲ့ အဲ့ယမင်းရုပ်ကလေးဟာ ခန္ဓာကိုအသုံးပြုပြီး စီးပွားရှာနေတဲ့ ခန္ဓာသည်လေးလို့သိတဲ့အခါ ရာဂတဏှာဖုံးလွှမ်းနေတဲ့ ပုရိသတွေရန်ကနေ သူရဲ့စည်းစိမ်အားလုံးကိုသာမက သူ့ရဲ့အသက် နဲ့စိတ်ဝိညာဉ်ကိုပါပေးဆပ်ကာကွယ်မယ့် အချစ်သူရဲကောင်းကြီးနန်းနွယ်၊ သူသိပ်ချစ်ရတဲ့သူက သူမဟုတ်တဲ့ တခြားတစ်ယောက်ကို ချစ်ကျွမ်း၀င်နေမိပေမဲ့လည်း ဆက်ချစ်နေတဲ့ သူဌေးလေး... ဪ မိန်းမဖြတ်တော့ပြည်ပျက်တယ်

ဆိုတဲ့စကားကနန်းနွယ်နဲ့မှလိုက်ဖက်နေရော ...

အချစ်ရူးကြီးနန်းနွယ်ကို ချစ်ခြင်းမေတ္တာတစ်စက်ကလေးမကွက်ဘဲ အမြဲပါရီဖြည့်ပြီးယုံကြည်နေတတ်တဲ့ ဦးတိန်ခို၊နန်းနွယ်ကိုလေးစားလွန်းလို့ သတိုးအောင်ကိုတောင်သတိုးနွယ်လို့ပြောင်းခဲ့တဲ့ လူယုံလေးသတိုးနွယ်နဲ့ နောက်လိုက်လူယုံတွေ။

ငွေကိုကိုးကွယ်ပြီး ဘာအလုပ်အကိုင်မှမလုပ်ဘဲ

ဇာတ်သမလေးရှာပေးတဲ့ အပျက်မလေးရှာပေးတဲ့အသပြာတွေနဲ့

ကြီးပွားလာတဲ့ ဇာတ်ဆရာ ဦးသောင်းတန်၊ ငွေရှိတဲ့သူဌေးလေးနန်းနွယ်ကိုဆက်ဆံပုံနဲ့ငွေမရှိလို့ဆက်ဆံပုံဟာ ကျွန်မတို့ဩကာသလောကရဲ့လောဘသားတွေကို ထင်ဟပ်စေတဲ့ပြယုဂ်ပါပဲ။

အဲ့ဒီလိုဇာတ်ဆောင်တွေကနေ စုံလင်တဲ့ရသတွေပေးစွမ်းတဲ့ဒီစာအုပ်ကလေးကတော့ ကျွန်မရဲ့အကြိုက်ဆုံးစာရင်း၀င်ခဲ့ပါပြီရှင်... မိန်းမတို့အချစ်သွေးသိပ်ရဲတယ်ဆိုတာကိုပြသွားတဲ့ပြည့်တန်ဆာမလေး ၀ဠု၀တီမင်းသမီးလေး၊ အဆိုးဆုံးကနန်းနွယ် မင်းသမီးလေးစံမြန်းဖို့ နန်းဆောင်တော်ကိုဖန်ဆင်းပေးခဲ့တဲ့ အသက်စွန့်ပြီးကာကွယ်သူ နန်းနွယ်ရဲ့နိဂုံးအဆုံးသတ်ဟာ ဖတ်ဖို့လမ်းညွှန်မှုပေးချင်လာအောင် တွန်းပို့ပေးတဲ့အရာတွေပါပဲရှင်...