(myanmar book) တက္ကသိုလ်ဘုန်းနိုင် - မဂ္ဂဇင်းဝတ္ထုများ အတွဲ(1)

ယခုစာအုပ်ပါ ဝတ္ထုတို့သည် မဂ္ဂဇင်းများတွင် ပါဝင်ခဲ့သော ဆရာကြီး၏ ဝတ္ထုတို၊ ဝတ္ထုရှည်များကို ၁၉၅ဝ ပြည့်နှစ်မှ ၁၉၆၃ ခုနှစ်ထိ စုစည်းပြီး ‘မဂ္ဂဇင်းဝတ္ထုများ အတွဲ (၁)’ အဖြစ် ထုတ်ဝေခြင်း ဖြစ်ပါသည်။

‘ညီမလေးရယ် စိုးရိမ်မိတယ်’၊ ‘သူ့ ကျွန်မခံပြီ’၊ ‘ဤမြေမှသည်’ တို့မှာ မဂ္ဂဇင်း အခန်းဆက် ဝတ္ထုရှည်များဖြစ်ပြီး လုံးချင်းအဖြစ် ထုတ်ဝေခဲ့သောကြောင့် ဤစာအုပ်တွင် ဖော်ပြခြင်း မပြုတော့ပါ။

ဤ ‘မဂ္ဂဇင်းဝတ္ထုများ အတွဲ (၁)’ စာအုပ်တွင် ‘လရောင်နှင့် အရိပ်’ မှ ‘ဆရာ ပြောပြ မည် မိလွမ်းနွယ်’ အထိ ဝတ္ထု ၂၃ ပုဒ် ပါဝင်သည်။ ဤဝတ္ထုများကို ဖတ်သွားသောအခါ အရသာ တစ်မျိုးစီ ခံစားရမည် ဖြစ်ပါသည်။ ဆရာကြီး၏ ဝတ္ထုအချို့ကို ဖတ်ကြည့်လျှင် စစ်ဆန့်ကျင် ရေးနှင့် ငြိမ်းချမ်းရန် စစ်ဆန့်ကျင်ရင်း မတတ်သာ၍ ဆင်နွှဲရသည့် တရားသော စစ်ပွဲများ အကြောင်းကိုလည်း တွေ့နိုင်သကဲ့သို့ ဆရာကြီး၏ ငြိမ်းချမ်းရေး လိုလားစိတ်ကို တွေ့မြင်ရ နိုင်ပါသည်။ ဆရာကြီး၏ ဝတ္ထုများသည် သူ၏ ခေတ်ပြိုင်အကြောင်းအရာ အချို့ကို ဗဟုသုတ ပေးရင်း စာပေရသတို့ကိုလည်း မျှဝေပေးလျက် ရှိပါသည်။