အညိုရောင်မေပလ်ရွက်ကလေးသို့ Lavender Pan သဘာဝနှင့်ကိုယ့်ကိုယ်ကိုပိုချစ်တတ်နေဖို့ ကဗျာစုလေးများ Myanmar Book

သဘာ၀နဲ့ ကိုယ့်ကိုကိုယ် ပိုချစ်တက်စေဖို့ ဆရာမပန် (lavender pan ) ရဲ့ ထွက်ထားတာသိပ်မကြာသေးတဲ့ စာအုပ်လေးပါ စာအုပ်လေးထဲမှာ ချစ်စရာ သဘာ၀အလှလေးတွေခံစားနိုင်ပြီး ပန်းကလေးတွေဘယ်လောက်မြတ်နိုးကြောင်း ကိုယ့်ကိုကိုယ် ချစ်တက်ဖို့စာစု ကဗျာစုလေးတွေ နဲ့စိတ်၀င်စားဖွယ်လေးရေးထားတာလေးကို အရမ်းသဘောကျသောပါနော် (၂) ဖျတ်ခနဲ ပျောက်ကွယ်သွားတဲ့ မှတ်ဉာဏ်အပိုင်းအစလေးမျှသာ ဖြစ်တည်ခဲ့မယ်ဆိုရင်တောင် ကိုယ်ကကျေနပ်ပါတယ်။ အမှတ်တရတွေ အားလုံးကို ကိုယ်ကပဲ မှတ်မိနေရမယ်ဆိုလည်း ဖြစ်ပါတယ်။ ချစ်ရတဲ့ မင်းသာ အေးချမ်းပါစေကွယ်။ (၃၉) ငါ့ရုပ်ရည်က သာမန်ပါပဲ လှလွန်းတယ်လို့ လည်ပြန်ငေးရတဲ့အထိ မပါခဲ့ပါဘူး။ ဒါပေမယ့် ငါ့ကိုယ်ငါသိပ်သဘောကျတာပါပဲ မိတ်ကပ်လိမ်းတဲ့အခါ လှသွားတယ်လို့ ခံစားရတယ်။ မျက်နှာပဲသစ်ပြီး တီရှပ်အပွကြီး၀တ် မုန့်ပတ်စားနေတဲ့ ငါ့ကိုယ်ငါလည်း သဘောကျနေဆဲပဲ။ ငါ့ရဲ့ပြင်ဆင်ထားတဲ့ ပုံရိပ်လေးကို မြတ်နိုးသလို ငါ့ရဲ့ အမာရွတ်တွေကိုလည်း ငါချစ်ပါတယ်။ ဖြူသည်ဖြစ်စေ ညိုသည်ဖြစ်စေ ငါ့အသားရောင်လေးကို သဘောကျတယ်။ ငါ့ကို တကယ်စိတ်ရင်းနဲ့ ချစ်ပေးတဲ့သူတွေအတွက် ငါက သဘောကျစရာလူတယောက်ပါပဲ။ ငါ့ကို မုန်းနေသူတွေအတွက် လိုက်မခံစားပေးနိုင်ပါဘူး ငါ့ဖြစ်တည်မှုကို ငါချစ်ပြီး ငါ့ရဲ့ အေးချမ်းတဲ့ ရပ်၀န်းလေးမှာ နေတယ်။ ငါဟာ လွတ်လပ်စွာ ရှင်သန်တဲ့ သာမာန်အမျိုးသမီးလေးပဲ ဖြစ်ပါတယ်။ (၅) လူတစ်ယောက်ကို ရင်ထဲမှည သိမ်းထားခွင့်ရတာက သိပ်ပျော်ရွှင်စရာ ကောင်းတယ်တဲ့။ သူပြုံးနေရင် ပျော်ရွှင်မိပြီး သူနာကျင်နေတယ်ထင်ရင် နှစ်သိမ့်အပေးချင်တယ်။ တိတ်တိတ်လေး သဘောကျရင်း တိတ်တိတ်လေး ရင်ခုန်မိနေရတဲ့ ခံစားချက်လေး ဒီအချစ်မျိုးက မင်းတယောက်အတွက်ပဲ မွေးဖွာလာတယ်။ အရမ်းသဘောကျရသောကဗျာလေးတွေပါ ဆရာမပန် ရဲ့ ဒီ့ထက်အများကြီး ကောင်းသောကဗျာစုလေးတွေကိုစာအုပ်လေးထဲဖတ်ရှုခံစားနိုင်ပါတယ် #lavenderpan #အညိုရောင်မေပလ်ရွက်လေးသို့