ဆရာခက်ဇော်ရဲ့ သမိုင်းနောက်ခံ ဝတ္ထုရှည် AVA AVA 1740s Season-1 AVA 1740s Season-2 Beyond AVA 1750 Fall of hantharwady 1757 The Guys of Rangoon 1930 Guys Form Mandalay 1950s

AVA 1740s Season-1 AVA 1740s Season-2 Beyond AVA 1750 Fall of hantharwady 1757 The Guys of Rangoon 1930 Guys Form Mandalay 1950s Ava ဟာ ဆိုရင် ဆရာ့ရဲ့ အရှည်ဆုံးသော ဝတ္ထုဖြစ်မယ်လို့ ယူဆရပါတယ် အင်းဝနဲ့ ဟံသာဝတီ ရဲ့ စစ် အရေးအခင်းကို နောက်ခံတည်ပြီး များစွာသော ဇာတ်ကောင်တို့ရဲ့ စရိုက်ပေါင်းများစွာကို အသေးစိတ်ဖော်ပြထားသလို ရှေးခေတ်မြန်မာတွေရဲ့ စစ်ပရိယာယ် ကျွမ်းကျင်မှု သူရဲကောင်းတို့ရဲ့ စိတ်နေစိတ်ထား ကတိသစ္စာတည်မှုတွေကို ခံစားမှုရသမျိူးစုံနဲ့ ရိုလာကိုစတာ စီးသလို စီးမြောသွားရမယ့် ဇာတ်လမ်းကြီးပါ ရှုံးတဲ့ အချိန်မှာ ရှုံးတဲ့သူကိုသနားလိုက် နိုင်တဲ့ အချိန်မှာ နိုင်တဲ့ သူကိုအားကျလိုက် ဇာတ်ကောင်တွေရဲ့ romance လေးတွေကို ချစ်လိုက်နဲ့ what's next ဆိုတာကြီး ကို ဆရာ့ရဲ့ စာအရေးအသားခေါ်ဆောင်ရာ နောက်ကို လိုက်သွားမယ့် စာအုပ်ကြီးပါဗျာ ဒါ့အပြင် သမိုင်းနောက်ခံနဲ့ လိုချင်တဲ့ ဇာတ်ကောင်တွေကို right time ကျအောင် ထည့်ထားနိုင်တဲ့ ဆရာရဲ့ ကလောင်ကြောင့် ဖတ်ရတဲ့ အရသာက ပိုပြီး ရုပ်ကြွပေါ်လွင်နေတာပါ ကြိုသိနေတဲ့ ဇာတ်သိမ်းဆိုပေမယ့် ဖတ်ရတာ သိပ်ကို အရသာရှိလှပါတယ် မှတ်သားစရာ စကားလုံးတွေကလည်း များစွာရှိပါတယ် စစ်ရေးစစ်ရာ မှာ မိန်းမကလေးတွေကလည်း သိပ်ကို အရေးပါပုံတွေကိုလည်း ကျနော်တို့မြင်တွေ့ကြရမှာပါ "The Guys Of Rangoon 1930" ဒီစာအုပ်ဟာ မြန်မာ့သမိုင်းဖြစ်ရပ်မှန်ကိုအခြေခံပြီး စာရေးသူရဲ့စိတ်ကူးစိတ်သန်းတွေကို ပုံဖော်ရေးထားတာလို့ သိရပါတယ်။ကျွန်တော်က စာအုပ်တစ်အုပ်ကို စပြီး ​ဖတ်တော့မယ်ဆိုရင် စာအုပ်နာမည်ကို အရင်ကြည့်တတ်တယ်။စာအုပ်နာမည်ကို ကြည့်ပြီး တစိမ့်စိမ့်တွေးတတ်သူပေါ့လေ။ဒီစာအုပ်က ကျွန်တော့်အတွက် စိတ်ဝင်စားဖို့ကောင်းနေရင် ဖတ်ပြီပဲ။ခု ဆရာခက်ဇော်ရဲ့ ဒီစာအုပ်နာမည်ကို ကြားဖူး မြင်ဖူး သိဖူးတာနဲ့ကျွန်တော်သိပ်စိတ်ဝင်စားသွားတယ်။ဒါ..... တစ်ခေတ်တစ်ခါက ကျွန်တော်တို့လူမဖြစ်ခင်ကတည်းက မိုက်တဲ့နေရာမှာ ကမ်းကုန်အောင်မိုက်ခဲ့တဲ့ လူမိုက်တွေအကြောင်းကို သီးသန့်ရေးထားတာမျိုးလားပေါ့။ဒါကတော့ စာအုပ်မဖတ်ခင်က ကျွန်တော့်အတွေးတစ်ခုပေါ့လေ။ကျွန်တော့်အတွေးက မှန်တော့မှန်ပေမယ့် စာအုပ်ဖတ်ပြီးမှ မှားနေမှန်းသိရတယ်။ ဒီစာအုပ်ကို ဖတ်ရတဲ့အခါ စာဖတ်နေတယ်ဆိုတာထက်ကို စာဖတ်သူကိုယ်တိုင် ၁၉၃၀ကိုရောက်နေသလို ခံစားသွားရစေမယ့် ဆရာ့ရဲ့ အရေးအသားတွေကနေ စာဖတ်သူတွေကို စာမျက်နှာ(၁)ကနေ စာမျက်နှာအဆုံး(၅၂၀)ထိကို ဆွဲဆောင်သွားစေမှာအမှန်ပါပဲ။ ဒီစာအုပ်ထဲမှာတော့ အဓိကဇာတ်ကောင်လူမိုက်(၃)ဦးအဖြစ် လမ်းမတော်ဖိုးတုတ်၊ဂန္ဓမာသောင်းရီ၊ဗိုလ်တစ်ထောင်ငမိုး ဆိုပြီး ပါဝင်ထားကြပါတယ်။ လမ်းမတော် ၁၄မှာနေတဲ့ ဖိုးတုတ်ဆိုတဲ့ လူငယ်ဆိုတာ လက်ရဲဇက်ရဲ တထစ်ရှိ ချမယ်ဆိုတာကြီး ဦးလေးဖြစ်သူ ဦးဘိုးသင်ရဲ့ မိုက်နည်းအကြံကိုယူ ပြီးရင် ဉာဏ်နဲ့ယှဥ်ပြီး မိုက်တဲ့သူ ဖိုးတုတ်။ "လမ်းမတော်ဖိုးတုတ်"လို့ ပြောလိုက်ရင် သူရဲ့ဇနီး မသင်းမြကို တွဲဖက်ပြီး တွေ့ရမှာဖြစ်ပြီး ကိုဖိုးတုတ်ဟာ ဘယ်လောက်ပဲကမ်းကုန်အောင် မိုက်နေတဲ့ လူမိုက်ကြီးတစ်ယောက်ဖြစ်နေပါစေ ကိုဖိုးတုတ်ရဲ့ဘေးမှာ မသင်းမြဆိုတဲ့ သူ့ဇနီးတစ်ယောက်လုံး အမြဲရှိတယ်ဆိုတာ စာဖတ်ရင်း ခံစားမိပါတယ်။ခင်ပွန်းသည်က လူမိုက်ဖြစ်ပေမယ့် ဇနီးဖြစ်တဲ့ မသင်းမြကတော့ ဘာသာတရားသိပ်ကိုင်းရှိုင်းတဲ့ မြန်မာ့အမျိုးသမီးပီသလွန်းပါပေတယ်။ လူမိုက်ဆိုပေမယ့် မိုက်တဲ့နေရာမှာတောင် သူများထက် တစ်ဖက်ကမ်းခတ်အောင် မိုက်ပြသွားပုံတွေက တကယ့်ကို ချီးကျူးစရာပါပဲ။လမ်းမတော်ဖိုးတုတ်ရဲ့ ကိုယ့်ထက် ခြေတစ်လှမ်းသာသူတွေကို အောက်ခြေကနေ တစ်စ၊တစ်စ ဒေါက်ဖြုတ်သွားတဲ့ လူမိုက်ဉာဏ်ကိုတော့ တကယ်ကိုချီးကျူးမိတယ်။မသင်းမြကို အတင်းအဓမ္မနည်းနဲ့ ယူထားတဲ့သူဆိုပေမယ့် နှစ်ယောက်သား အိမ်ထောင်သက်၂၀ထိကို ညားခါစ ကြင်စဦးမောင်နှံတွေလို သိပ်ချစ်ကြတဲ့ ဇနီးမောင်နှံ။ "ကိုဖိုးတုတ်သေရင် မသင်းမြရင်ကွဲမယ် မသင်းမြရင်မကွဲအောင် နည်းနည်းပါးပါးတော့ သတ်ရမယ်ထင်တယ်။" "ဂန္ဓာသောင်းရီ"ရယ်လို့ ဆိုလိုက်ရင်တော့ ချိန်းကြိုးနဲ့ လူပေါင်းများစွာကို သတ်နိုင်တဲ့လူလို့ သိထားရလိမ့်မယ်။သူနဲ့အတူ မသောင်းဆိုတဲ့ ပြည့်တန်ဆာမလေးကိုပါ တွဲဖက်သိရပါလိမ့်မယ်။ဘာလို့ဆို ဂန္ဓမာသောင်းရီနဲ့မသောင်းဆိုတာ သိပ်ချစ်ကြတဲ့ ဇနီးမောင်နှံကို...ဗျ။ချစ်သောသူမှာ ဘဝပေးအခြေနေအရ ပြည့်တန်ဆာဖြစ်နေပေမယ့် ပြည့်တန်ဆာ ဆိုတာကို မသိကျိုးကျွံပြုနိုင်တဲ့အထိ မသောင်းကို သိပ်ချစ်တဲ့ ဂန္ဓာမာသောင်းရီ။သူငယ်ချင်းဖြစ်သူ လမ်းမတော်ဖိုးတုတ်အပေါ် သစ္စာရှိလွန်းသူ။လူကောင်းတွေတောင် အချင်းချင်းသစ္စာရှိဖို့ရှားတဲ့ ခေတ်ပျက်ကြီးမှာ လူမိုက်တွေက တစ်ယောက်နဲ့တစ်ယောက် သစ္စာသိပ်ရှိကြသတဲ့ဗျာ။တယ်ဆိုလိုက်တဲ့ စာပါလားနော်... သူငယ်ချင်းအတွက်ဆို သတ်ပေးရမလား?ချိန်းကြိုးကိုင်ပြီးပဲသတ်ရမလား?ဘာမဆို လုပ်ပေးဖို့ဝန်မလေးတဲ့ ဂန္ဓမာသောင်းရီ။ရန်သူကိုသွေးအေးအေးနဲ့ ရက်ရက်စက်စက်သတ်တတ်သူ။ဒီမှာ တစ်ခုပြောစရာကျန်သည်က ဂန္ဓမာသောင်းရီဆိုတာ ခန့်ချောကြီးတဲ့ဗျာ။ "မင်းအတွက် ငါမိန်းမရှာပေးရမလား ဂန္ဓမာ" "ဟာ...နေစမ်းပါကွာ..." "ဂန္ဓမာ...မင်း မိန်းမတွေနဲ့ပက်သက်လာရင် ဘာမှမသိသေးပါဘူးကွာ..." "အေး...ဟုတ်တယ်...ငါမိန်းမတွေအကြောင်းမသိဘူး။ ငါသိတာ မသောင်းအကြောင်းပဲကွ!" "ဟေ့ကောင် သေရဲတယ်ဆိုတာ အပြောသာလွယ်တာ သေပြီးရင် ရှုံးတာပဲကွ! မသေအောင်နေနိုင်မှ နိုင်တာ မင်းသိလား?" "ဗိုလ်တစ်ထောင်ငမိုး"ရယ်လို့ ဆိုလိုက်ပြန်ရင်တော့ ဓားရေးရာမှာ သူများနဲ့မတူ ကျွမ်းကျင်လှတဲ့ ဆယ်ကျော်သက်လူမိုက်လေး ဓားငမိုးပေါ့ဗျာ။သူ့အချစ်ဆုံးသူငယ်ချင်းကြီးက တရုတ်မျိုးနွယ် ငွေကြေးချမ်းသာတဲ့ "အလိန်" ဆိုတဲ့ကောင်လေးပေါ့... ၁၃နှစ်အရွယ်လောက်ကတည်းက လူခုတ်တတ်နေပြီဆိုတော့ ဒါ နည်းတဲ့ ဇ,မဟုတ်ဘူးလို့ ဆိုရမယ်ဗျ... လူမိုက်ဆိုပေမယ်လို့ သူ့အမေဆုံးတုန်းက နာရေးကိစ္စတွေ ကူညီပေးတဲ့ ကိုဖိုးတုတ်အပေါ် ကျေဇူးသိတတ်တယ်။ခုခေတ်ခုခါမှာ​တော့ ကျေးဇူးသိတတ်တာရှားလွန်းလှပါတယ်။ "ကိုယ့်အကျိုးအတွက်လည်းမဟုတ်ဘူး။ သူများအကျိုးအတွက်လည်းမဟုတ်ဘူး။ ဒါပေမဲ့ မိုက်ချင်လို့မိုက်တာ" "ဒါနိုင်ငံရေး။ တရားတာ မတရားတာထက် ရလဒ်က ပိုအရေးကြီးတယ်" လူမိုက်တွေအကြောင်းပဲ ပြောနေလို့ လူမိုက်တွေအကြောင်းပဲပါတာလား?ဆိုပြီးတွေးနေရင်တော့ မှားသွားမယ်။ကျွန်တော်တို့မသိနိုင်တဲ့ နိုင်ငံရေးနောက်ကွယ်က ကြိုးကိုင်မှုတွေ၊ဖြတ်စားမှုတွေ/ဂျပန်ခေတ်/ကိုလိုနီတွေမင်းမူတဲ့ခေတ်/လူမိုက်တွေရဲ့အချစ်ကြီးပုံ/ လူမိုက်တွေရဲ့ဉာဏ်ဆင်အကွက်တွေ/ဂိုဏ်စတားတွေရဲ့အားပြိုင်မှုတွေ/လူမိုက်လုပ်တုန်းကလည်း အထာကျကျမိုက်ခဲ့တယ် နိုင်ငံ့အရေးထဲရောက်တော့လည်း လမ်းမတော်ဖိုးတုတ်တို့အဖွဲ့တွေ ဘယ်လိုနည်းနဲ့ ဆရာကျကျအာဏာလုမလဲ?/၁၉၃၀ခုနှစ်က ရန်ကုန်မြို့ လူနေစရိုက်ကဘယ်လိုပုံစံရှိလဲ? အစရှိသဖြင့် သုတ၊ရသ အစုံစုံကို ရောနှောပြီး ရေးသားထားတာမို့ စာဖတ်သူတို့အနေနဲ့ ဖတ်လို့ သိပ်ကောင်းမှာ အမှန်ပါပဲဗျာ... စာအုပ်အစမှာတော့ အသက် ၁၈​နှစ်ပြည့်မှ ဖတ်ပါတဲ့ဗျာ... ပီပြင်အောင် ရေးသားထားတာမို့ စကားကြမ်းတွေတော့ ပါတယ်ဗျ... ဒီစာအုပ်ကနေ ကျွန်တော်ရလိုက်တဲ့ အဓိကသင်ခန်းစာ(၃)ခု ၁။စစ်မှန်တဲ့မိတ်ဆွေတွေရရှိထားခြင်းက အောင်မြင်မှုကို အနှေးနဲ့အမြန်ရစေတယ်။ ၂။ဘဝပေးအခြေနေအရ လုပ်ကိုင်နေရသည့် အခြေခံလူတန်းစား တွေကို သာမန်လူတွေလို သဘောထားဆက်ဆံခြင်းက ကိုယ်ချင်းစာစိတ်။ ၃။ဆန်ပေးမှဆီရတဲ့ခေတ်ကြီးမှာ မိတ်ဆွေစစ်ဆိုတာသိပ်ရှားတယ်။