(Myanmar Book) တိုကျို - မောင်ထွန်းသူ(မြန်မာပြန်) TOKYO BAY by ANTHONY GREY

ဆိုင်ဂုံ၊ ပီကင်းစသည့်နာမည်ကျော်စာအုပ်များဖန်တီးရှင် အန်သိုနီဂရေး၏ Tokyo Bay ဝတ္ထုကို ဆရာမောင်ထွန်းသူမှ မြန်မာပြန်ဆိုထားခြင်းဖြစ်သည်။ ‘တံခါးပိတ်ဝါဒ’ကျင့်သုံးနေသော ဂျပန်နိုင်ငံနှင့် အနောက်နိုင်ငံများအကြားပေါ်ပေါက်လာခဲ့သည့် ပြိုင်ဆိုင်မှုများကိုမီးမောင်းထိုးပြထားခြင်းဖြစ်သည်။ ၁၈၅၃ ဇူလိုင်လတွင် အမေရိကန်စစ်သင်္ဘောများ တိုကျိုပင်လယ်အော်ထဲသို့ဝင်ရောက်လာခဲ့သည်မှစ၍ အမေရိကန်နှင့်ဂျပန်ကြား စစ်ကိုရှေးရှုသည့်ပဋိပက္ခများသန္ဓေတည်လာခဲ့သည့်အချိန် နယူးအင်္ဂလန်ပြည်နယ်သား လူငယ်အရာရှိရောဘတ်အီဒင်တစ်ယောက် ဂျပန်-အမေရိကန်ကုန်သွယ်မှု(လိုအပ်လျင် ဖိအားပေး၍) စတင်ရန်စေလွှတ်ခံခဲ့ရသည်။ စိတ်ကူးယဉ်တတ်သော အရာရှိငယ်သည် စစ်ရိပ်စစ်ငွေ့များကိုခံစားမြင်တွေ့လာခဲ့ရာမှ မုန်းတီးမှုများကြားမှ လူမျိုးနှစ်မျိုး၊ နိုင်ငံနှစ်ခု၏ မတူညီသော ယဉ်ကျေးမှုများကို စေ့စပ်ရန်ကြိုးစားရင်း မင်းသားနာကာယိုရှီအိုဦးဆောင်သည့် ဂျပန်ဆာမူရိုင်းများ၊ လှပသောဂျပန်ဂေရှားမယ် တိုကီဝါ စသူတို့နှင့် တွေ့ဆုံရကာအံသြထိတ်လန့်ဖွယ်ဖြစ်ရပ်များဖြစ်ပေါ်လာပုံကိုရေးဖွဲ့တန်ဆာဆင်ထားသည့် လက်ရာကောင်းဝတ္ထုရှည်ကြီးတစ်ခုဖြစ်ပါသည်။