(myanmar book) ရှေ့တစ်လှမ်းတိုးပြီးဦးဆောင်လိုက်ပါ - Pyay khaing ပြေခိုင် ဘဝတိုးတက်ရေး စာစုများ

မိမိကိုယ်ကိုယ် စတင်ပြောင်းလဲခြင်း

တစ်ခါတုန်းက ကိုငြိမ်းမောင်ဆိုတဲ့ သူတစ်ယောက်ဟာ သူ့ သူငယ်ချင်းတွေနဲ့အတူ တောင်တက်ခရီးစဉ်တစ်ခုကို သွားတယ်။ အဲ့ဒီတောင်တက်ခရီးစဉ်သွားနေတဲ့အချိန်မှာ သူ့ သူငယ်ချင်း တစ်ယောက်က အရှေ့ကနေ သွားနေရင်းနဲ့ သူတို့ကို လှမ်းပြီးအော်တယ် “ငြိမ်းမောင်ရေ ဒီမှာ ရေတံခွန်ကြီးလှလိုက်တာကွာ”တဲ့။ အဲ့ဒီမှာ

ကိုငြိမ်းမောင်ကလည်း အနောက်ကနေ လှမ်းပြီးပြန်ပြောတယ်၊ “ဘယ်မှာလဲ ရေတံခွန်ကြီး၊ ငါမှမတွေ့ဘဲနဲ့၊ ဘာတွေလှနေ တာလဲ”တဲ့။

အဲ့ဒီမှာ သူငယ်ချင်းက ဘာပြန်ပြောလဲ ဆိုတော့ “ငြိမ်းမောင်ရ တကယ်လှတာ ရေတံခွန်က အရမ်းကိုမိုက်တာကွ” တဲ့။ ကိုငြိမ်းမောင် ကလည်း ပြန်ပြောတယ် “ဘာမှမမြင်ရပါဘူးကွာ” တဲ့။

သူငယ်ချင်းကလည်း ထပ်ပြီးတော့ ပြောပြန်တယ်။ “ရှေ့ကို နည်းနည်းလေး တိုးကြည့်” တဲ့။ သူ တစ်လှမ်းတိုးပြီး ကြည့်တယ်။ ဘာမှမမြင်ရသေးဘူး။ “နောက်ထပ်တစ်လှမ်းလောက် တိုးကြည့်ပါဦး” တဲ့။ သူငယ်ချင်းကထပ်ပြောတယ်။

နောက်ထပ် တစ်လှမ်းတိုးကြည့်တယ်။ ကိုငြိမ်းမောင် ရေသံ လေးတွေ စကြားလာတယ်။ တတိယတစ်လှမ်းထပ်တိုးပြီး ကြည့်လိုက် တဲ့အခါမှ အရမ်းကိုလှပပြီး အရှိန်အဟုန်အပြည့်နဲ့ တက်ကြွစွာ စီးဆင်းနေတဲ့ ရေတံခွန်ကြီးကို မြင်တွေ့လိုက်ရတယ်။

အဲ့ဒီလိုပါပဲ ကျွန်တော်တို့တွေရဲ့ ဘဝမှာလည်း တစ်ခါတလေ ကျရင် ဒီတိုင်းရပ်နေရုံနဲ့ သိသာမြင်သာတဲ့အကြောင်းအရာတွေကို မသိနိုင်ပါဘူး။ ရှေ့ကိုတစ်လှမ်းလေးနည်းနည်းတိုးပြီးကြည့်လိုက်မှ မြင်ရမယ့်၊ သိရမယ့်၊ ခံစားရမယ့်အရာတွေ ရှိပါတယ်။ အဲ့ဒီအတွက် ကျွန်တော်တို့ “ရှေ့တစ်လှမ်းတိုးပြီးဦးဆောင်ဖို့” လိုအပ်ပါတယ်။ ပထမဦးစွာ ဒီစာအုပ်ကို ဝယ်ယူဖတ်ရှု့အားပေးတဲ့အတွက် စာဖတ်သူကိုကျေးဇူးတင်ပါရစေ။ စာဖတ်သူအနေနဲ့ ဒီစာအုပ်ကို ဝယ်ယူဖတ်ရှု့တယ်ဆိုကတည်း

က စာဖတ်သူဟာ ဘဝမှာ လက်ရှိရောက်နေပြီး ရှိနေတဲ့ အောင်မြင်မှု တွေထက် ပိုပြီးလုပ်နိုင်နေသေးတယ်လို့ ယုံကြည်နေလို့ပဲဖြစ်ပါတယ်။ ဒါဆိုရင် စာဖတ်သူအနေနဲ့ ဘဝမှာ တစ်ခါမှ မရဖူးသေး တာတွေကိုရဖို့အတွက် တစ်ခါမှမလုပ်ဖူးသေးတဲ့ အရာတွေကိုလုပ်ပြီး စတင်ရမှာပဲဖြစ်ပါတယ်။

ပျော်ရွှင်မှုတွေရရှိနိုင်ကြပါစေ။