(myanmar book) လက်ဆောင် - မိုးရှင်း (IMT) ပိုမိုပျော်ရွှင်တဲ့ ဘဝကိုပိုင်ဆိုင်ဖို့...

ကျွန်တော့်ရဲ့ပထမဆုံးစာအုပ်လေးဖြစ်တဲ့ ““သူ စိတ်ဓာတ်ကျ တိုင်း ဖတ်ဖို့””မှာ စိတ်ဓာတ်ကျတဲ့အခါသုံးသင့်တဲ့နည်းလမ်းတွေ ကို ဖော်ပြပေးခဲ့ပါတယ်။ အကြိမ်ပေါင်းများစွာ ပြန်လည်ရိုက်နှိပ်ခဲ့ရ တဲ့အထိ စာဖတ်သူတွေရဲ့အားပေးမှုကိုလည်း ရရှိခဲ့ပါတယ်။ အွန်လိုင်း ကတစ်ဆင့် ကျွန်တော့်ကိုကျေးဇူးတင်ကြောင်း ပြောကြားခဲ့တဲ့ စာဖတ် ပရိသတ်တွေလည်း များစွာရှိခဲ့ပါတယ်။ စာဖတ်သူတွေအတွက် အသုံး ဝင်တဲ့စာအုပ်လေး ဖြစ်ခဲ့လို့ ကျွန်တော် အတိုင်းမသိ ဝမ်းသာမိပါ တယ်။

အခု ဒီစာအုပ်လေးကတော့ စာဖတ်သူတွေကို ပိုမိုပျော်ရွှင်တဲ့ ဘဝလေး ပိုင်ဆိုင်နိုင်ဖို့ ရည်ရွယ်ပြီး ရေးခဲ့တာဖြစ်ပါတယ်။ စာဖတ် သူတွေအတွက် အသုံးဝင်မယ်ဆိုတာကိုလည်း ကျွန်တော် ကျိန်းသေ ပေါက်ပြောရဲပါတယ်။ ကျွန်တော် ဖတ်ခဲ့ မှတ်ခဲ့ဖူးတဲ့ စာတွေကဗဟုသုတတွေနဲ့ ကျွန်တော့်ရဲ့ဘဝအတွေ့အကြုံတွေကို ပေါင်းစပ်ပြီး ဒီစာအုပ်လေးကို ရေးသားခဲ့တာဖြစ်ပါတယ်။ ဒီထဲမှာပါတဲ့ ဥပမာပုံပြင်လေးတွေကတော့ ကျွန်တော် ဖတ်ခဲ့ဖူးသမျှ အင်တာနက်က ပုံပြင်လေးတွေ ဖြစ်ပါတယ်။ ဒီစာအုပ်ထဲက နည်းလမ်းတွေဟာ ကျွန်တော်ကိုယ်တိုင်လည်း ကျင့်သုံးနေတဲ့ နည်းလမ်းတွေဖြစ်ပါတယ်။ ကျွန်တော့်အတွက် အသုံးဝင်ခဲ့တဲ့ အဖိုးတန်နည်းလမ်းလေးတွေကို စာဖတ်သူတွေဆီ ပြန်လည်ဝေမျှခြင်းဖြစ်တာကြောင့် ဒီစာအုပ်ရဲ့ နာမည်ကို ““လက်ဆောင်””လို့ နာမည်ပေးခဲ့တာဖြစ်ပါတယ်။ ဒီစာအုပ် လေးကတစ်ဆင့် စာဖတ်သူတွေကို ပျော်ရွှင်ခြင်းလက်ဆောင် ပေးနိုင် မယ်လို့လည်း ယုံကြည်ပါတယ်။

ကျွန်တော်တို့အားလုံး ပျော်ရွှင်ချင်ကြပါတယ်။ ဒါပေမဲ့ ကျွန်တော်တို့ တကယ်ရော ပျော်ရွှင်နေကြရဲ့လား၊ မိမိ ပျော်ရွှင်လား မပျော်ရွှင်ဘူးလားဆိုတာ မိမိသာ အသိဆုံးဖြစ်မှာပါ။ ဒီစာအုပ်လေး ထဲမှာတော့ ကျွန်တော်တို့တွေ ဘာလို့မပျော်ရွှင်ကြတာလဲ။ အကြောင်း ရင်းတွေက ဘာလဲ။ အဲဒါတွေကိုဘယ်လိုဖြေရှင်းကြမလဲ စသဖြင့် အသုံးဝင်မယ့်နည်းလမ်းတွေကို ဖော်ပြပေးထားပါတယ်။ ဒီစာအုပ်လေးထဲမှာ ဖော်ပြပေးမယ့် နည်းလမ်းတွေဟာ ကျွန်တော့်ဘဝကိုလည်း အရင်ကထက် ပိုမို ပျော်ရွှင်လာစေခဲ့တဲ့ နည်းလမ်းတွေ ဖြစ်ပါတယ်။ တကယ်တော့ ပျော်ရွှင်ခြင်းဟာ သင်နဲ့ အဝေးကြီးမှာမဟုတ်ပါဘူး။ သင်နဲ့ ကပ်လျက်တည်ရှိပြီး သင့်ရဲ့မျက်ကွယ်ပြုထားခြင်းကြောင့် သင့်ဘဝထဲကို ဝင်မလာတာ ဖြစ်ပါတယ်။